Хичээлүүд

Үзүүлэн таниулах арга

2012 оны 5-р сарын 07, Даваа гариг, 13:44 Багшийн нэр: Ч.Туяа

Лекц № 2

Үзүүлэн таниулах арга

Хөдөлгөөний үйлдлийг харж мэдэрдэг аргыг үзүүлэн таниулах арга гэнэ. Хөдөлгөөний үйлдлийг харснаараа тухайн дасгалын талаар зөв төсөөлөл олж авдаг. Энэ төсөөлөл нь дасгалыг хэрхэн гүйцэтгэх талаар мэдээлэл өгдөг.

Үзүүлэн таниулах арга нь бага насныхан ба эхлэн хичээллэгчдэд их үр дүнтэй арга юм. . Бага ангийн хүүхдүүд багшийгаа дуурайх байдаг.

Үзүүлэн таниулах арга 3-н хэлбэртэй

Биеэр үзүүлэх арга:

Багшийн даалгавараар сурагчид дасгалыг гүйцэтгэж үзүүлэх арга юм.

Багш нар дасгалыг өөрөө гүйцэтгэх боловч дараах тохиолдолд сурагчаар гүйцэтгүүлж болно. Үүнд:

Дараах тохиолдолд гүйцэтгүүлнэ.

Итгэл төрүүлэхийн тулд үлгэр жишээ гүйцэтгэж буй сурагчаар дасгалыг хийж үзүүлэнэ.

Алдааг нь ойлгуулахын тулд алдаатай гүйцэтгэж буй сурагчаар гүйцэтгүүлэнэ.

Багшийн эрүүл мэндийг байдал тохиромжгүй бол үзүүлэхгүй байж болно.

Зургаар үзүүлэх арга

Дасгалын техникийг харуулсан зурагт үзүүлэн, тараах материал, зурагт хуудас гэх мэт зурагаар харуулсан хэрэглэгдэхүүнийг үзүүлэнэ.

Техник хэрэгсэлээр үзүүлэх арга

Сургалтын кино, дүрс бичлэг , DVD, гэх мэт сургалтын техник хэрэгсэлийг ашиглан үзүүлнэ.

Энэ нь суралцагчдын мэдээлэл олж авах, мэдээллээ боловсруулах ашиглах чадварт нөлөөлөхөөс гадна дасгалыг удаашруулж, зогсоож, харуулж, болдгоороо давуу талтай. Мөн дасгалыг маш гоё зөв гүйцэтгэлтэй тэмцээний нөхцөлд нь харуулж болдог арга юм.

Дасгалыг дуурайж гүйцэтгэх нь дараах хүчин зүйлээс шалтгаална.

Дуурайх хөдөлгөөний талаар бүрэн зөв төсөөлөл авсан эсэхээс шалтгаална. Зөв төсөөлөл өгөхийн тулд анхны үзүүлэн маш зөв бөгөөд дасгалын техникийн зохих хурд, хүч, далайцаар нь харуулсан байвал зохино.

Дуурайж хийх сонирхолтой эсэхээс шалтгаална. Иймээс сонирхлыг нь татахуйц үзүүлэх хэрэгтэй.

Суралцагчдын бие бядлрын түвшинд тохирсон эсэхээс дуурайлт шалтгаална. Иймд хүүхэд дуурайж хийж болохуйц дасгалыг үзүүлнэ. Хэтэрхий хүнд дасгалыг үзүүлбэл дуурайлт үр дүнтэй болохгүй.

Үзүүлэн таниулах арга нь бусад аргаас илүү үр дүнтэй болохыг ЮНЕСКО-ийн дараах судалгаа баталсан

Энэ судалгаагаар хүн мэдлэгийн 90%-г харж авдаг, 9%-г сонсож авдаг, 1%-г бусад мэдрэхүйгээр хүлээн авдаг. Мэдээллийг хүлээн авсаны дараа харж авсан мэдээллийн 50 орчим % нь, сонссоны 30 орчим % нь тогтоогддог. Хоногийн дараа харсан мэдээллийн 20%, сонссоны 10% нь үлдэж бусад % нь мартагддаг байна. Харин харах сонсох 2-р авсан мэдээллийн 40-60% нь хүнд тогтоогддог байна. Иймээс үзүүлэн таниулах аргыг ярианы аргатай хослуулбал илүү үр дүнтэй.

Практик арга

Дасгалыг биеэрээ гүйцэтгэдэг аргыг практик буюу дасгалын арга гэнэ.

Энэ арга нь биеийн тамирын сургалтын үндсэн арга юм.

Энэ дасгалын арга нь биеийн тамирын сургалтын 80%-г эзэлдэг.

Практик арга нь 2 бүлэгтэй

1. Хөдөлгөөний үйлдэлд сургах арга

2. Бие бялдрын чанаруудыг хөгжүүлэх арга

Дасгалыг бүтнээр ба хэсэгчлэн давтах арга хамаарагдана. Энгийн хялбар техниктэй юм уу, хэсэг болгон хуваах боломжгүй дасгалыг бүтнээр заадаг.

ЖШ: сагсан бөмбөгийн залах, урагш өнхрөх

Бага ангийн сурагчдад хэсэгчилсэн хөдөлгөөнийг нэгтгэх чадвар муу байдаг учираас тэдэнд дасгалыг бүтнээр нь заадаг. Дасгалыг бүтнээр нь эзэмших үед техникийн алдаа олон гардаг. Иймээс дөхүүлэх ба дуураймал дасгалуудыг өргөн ашигладаг.

2 төрлийн дөхүүлэх дасгал байдаг.

Дасгалын техникийг бүрдүүлж буй хөдөлгөөний тодорхой хэсгийг агуулсан дөхүүлэх дасгал.

ЖШ: зөвхөн гарын савалтыг агуулсан дасгал

Тодорхой хөдөлгөөн дээр нэмэлт хөдөлгөөнөөр баяжуулсан дөхүүлэх дасгал.

ЖШ: үсрээд гараар юманд хүрэх

Дасгалыг хэсэгчлэн давтах арга:

Дасгалын техникийг биеэ даасан хэд хэдэн хэсэг болгон хувааж тэдгээрийг тус тусд нь эзэмшүүлэх аргыг дасгалыг хэсэгчлэн давтах арга гэнэ. ЖШ: гүйлтээс уртад харайх техникийг

урьдчилсан гүйлт

түлхэлт , нисэлт

буулт гэсэн 3-н хэсэг болгоод тус тусад нь заана. Үүний тулд зөвхөн урьдчилсан гүйлтийг эзэмшүүлэх хэд хэдэн дасгалыг сонгож давтуулах. Урьдчилсан гүйлтийг хичээлийн нэг цаг дээр зааж болно. Дараа нь түлхэлт, нисэлт гэх мэт

Хөдөлгөөний чанаруудыг хөгжүүлэхэд чиглэгдсэн практик аргууд

Энэ бүлэг арга нь хүний хурд, хүч, тэсвэр, хөдөлгөөний эвсэл, уян чанаруудыг хөгжүүлэхэд чиглэгдэнэ.

хатуу журамладаг

харьцангуй хатуу бус журамладаг аргууд гэж хуваадаг.

Аргуудаа унш. Дасгалыг бүтнээр ба хэсэгчлэн заах арга дээр 2 жишээ гаргаж ирэх

Зургаар үзүүлэх арга: зурагт үзүүлэн бэлтгэнэ. Багаараа гүйцэтгэнэ. 3-4 оюутан нэг баг болон даалгаварыг гүйцэтгэнэ.

Цааш унших

Сургуулийн өмнөх насны хүүхдүүдийн бие бялдрын хүмүүжил

2012 оны 5-р сарын 07, Даваа гариг, 13:36 Багшийн нэр: Ч.Туяа

Сем № 4-р курс

Сургуулийн өмнөх насны хүүхдүүдийн бие бялдрын хүмүүжил

Төрснөөс эхлээд 5 нас хүртлэх насны хүүхдүүдийг сургуулийн өмнөх насанд хамруулдаг. Энэ насанд хүүхдийн бие махбодийн үйл ажиллагааны хөгжил, маш их эрчимтэй өсөн нэмэгдэж, оюун ухаан болон бие бялдрын өв тэгш хөгжлийн суурь тавигддаг байна. Хөдөлгөөний үйл ажиллагаагаар дамжуулан хүүхэд хорвоо ертөнцийг танин мэдэж улмаар тэдний зориг хатуужил, бие даах чадвар нь хөгждөг байна.

Сургуулийн өмнөх насны хүүхдүүдийн зайлшгүй шийдвэрлэх зорилтууд байдаг. Үүнд:

Эрүүл мэндийг бэхжүүлэх зорилт:

Хүүхдийн бие махбодийг чийрэгжүүлэх замаар гадаад орчны нөлөөллүүдийг эсэргүүцэх чадварыг дээшлүүнэ.

Сургуулийн өмнөх насанд бие бялдрын чанаруудыг тусгай чиглэлтэйгээр хөгжүүлэх шаардлагагүй.

Хөгжүүлэх зорилтууд

1. Амьдралд чухал хэрэгцээтэй хөдөлгөөний чадвар дадлуудыг төлөвшүүлэх

Энэ насанд хүүхдийн мэдрэлийн систем маш уян байдалд байдаг учраас тэдэнд амьдралд чухал шаардлагатай хөдөлгөөний чадвар дадлуудыг төлөвшүүлэх үед хүүхэд хөдөлгөөний шинэ, хэлбэрийг маш хурдан хялбар сурдаг. Хөдөлгөөний чанаруудыг төлөвшүүлэх үйл ажиллагаа бие бялдрын хөгжилтэй зэрэгцэн явагддаг.

2. Биеийн тамирын хичээлд хүсэл сонирхолтой болгон төлөвшүүлэх:

Хүүхэд нас нь биеийн тамирын дасгалаар хичээллэх хүсэл сонирхолыг төрүүлэх, тогтвортой болгох хамгийн таатай үе юм.

Хичээлийн явцад хүүхдүүдэд биеийн тамирын энгийн мэдлэгийн талаар тогтмол мэдээлж тэдний оюун ухаан чадварыг хөгжүүлж байх нь чухал.

Хүмүүжүүлэх зорилтууд

Ёс суртахуун, зориг тэвчээрийн чанарыг хөгжүүлнэ.

оюун ухаан, ёс суртахуун гоо сайхан, хөдөлмөрийн хүмүүжил олгоход туслана.

Чийрэгжүүлэх, хөгжүүлэх, хүмүүжүүлэх зорилтууд нь харьцангуй биеэ даасан шинж чанартай байдаг ч, эдгээр нь нягт уялдаатай юм. Эдгээр зорилтуудыг зайлшгүй иж бүрнээр нь шийдвэрлэх ёстой. Ингэснээр хүүхэд бие бялдар болоод оюун ухаан цаашид өв тэгш хөгжлийнхөө байр суурь олдог.

Сургуулийн өмнөх насны хүүхдүүдийн бие бялдрын хүмүүжлийн хэрэглүүрүүд

Сургуулийн өмнөх насны хүүхдүүдийн бие бялдрын хүмүүжлийн үндсэн хэрэглүүрүүдийн тоонд биеийн тамирын дасгалууд ордог.

Хөдөлгөөний чадвар дадлыг, тулгуур эрхтнийг хөгжүүлдэг.

хүүхдйин бие мах бодид биеийн тамирын дасгалуудын үзүүлэх хүчин зүйлд байгалийн чийрэгжүүлэх хүч болон эрүүл ахуйн хүчин зүйлүүдийг өргөн ашигладаг.

Биеийн тамирын дасгалууд

1. үндсэн гимнастик

2. хөдөлгөөнт тоглоом

3. спортын дасгалууд хялбарчилсан хэлбэрээр

Үндсэн гимнастикт

ямар нэг хэрэгсэлтэй

янз бүрийн алхалтууд, гүйлтүүд, үсрэлтүүд, шидэлтүүд

жагсаал зохион байгуулалт

бүжгийн дасгалууд

Сургуулийн өмнөх насны хүүхдүүдийн б.б. Хүм-ийн ажлыг зохион байгуулах хэлбэрүүд

биеийн тамирын дасгалаар хичээллэх үндсэн хэлбэрт:

Өглөөний гимнастик

Үргэлжлэх хугацаа: 2-4 насанд 5 мин

4-5 насанд 6-8 мин

6 настайд 8-10 мин

Биеийн тамирын хичээл

3-6 настай хүүхдүүдэд ажиллахад зориулагдсан цэцэрлэгийн бие бялдрын ажлын нэг хэлбэр юм. Хичээлийн зорилго нь шинэ хөдөлгөөнд сургах, урьд нь эзэмшсэн үйлдлүүдийг бататгах, бие бялдрын чадваруудыг хөгжүүлхэд оршино. 7 хоногт 2-3 удаа, 3-4 насанд 15-20 мин, 4-5 настай 20-25 мин, 5-6 настай 25-30 мин байна.

Эхний хэсэг- 2-6мин

үндсэн хэсэг 15-25 мин

төгсгөл хэсэг 2-3 мин с.луг 70-90уд

Хөдөлгөөнт тоглоом

Хөдөлгөөнт тоглоом нь хүүхдийн идэвхийг нэмэгдүүлж, хүүхдэд сэтгэлийн эерэг хөөрөл төрүүлдэг. Х. Тоглоом нь гол төлөв гүйлт, алхалт, үсрэлт, харайлт мөлхөлт бусад хөдөлгөөнөөс тогтоно.

Биеийн тамирын завсарлага минут

Ядаргаанаас урьдчилан сэргийлэх, амралт, оюун ухааны ажиллах чадварыг дээшлүүлэх биеийн янз бүрийн статик байрлалуудын үед хөдөлгөөний үйл ажиллагааг идэвхжүүлэх зорилгоор ашиглаж болно.

Биеийн тамир, спортын баярууд

Хүүхдүүд тодорхой цаг хугацааны хооронд тоглоом, биеийн тамирын дасгал эзэмшсэн хүрсэн амжилтуудаа баяр ёслолын байдалтай тэмдэглэн өнгөрөөх явдал юм.

Биеийн тамирын дасгалаар бие даан хичээллэх

Тэд өөрсдийн хүсэл сонирхлын дагуу хичээлийн сонгон хичээллэх явдал юм.

бие даасан хөдөлгөөний үйлдэл нь хүүхдийн хөдөлгөөний туршлагыг ихээхэн өөрчилдөг.

СӨ насны хүүхдийн б.б.хүм-ийн арга зүйн онцлог.

Зохион байгуулах хоёр хэлбэртэй.

Албан ёсны

Биеэ даасан буюу гэр бүлийн орчинд

Сургуулийн насны хүүхдийн бие бялдрын хүмүүжил

Сургуулийн насанд 6-18 насны хүүхэд залуучууд хамрагддаг. Энэ насанд бие бялдрын бүх талын хөгжлийн суурь тавигддаг.

Сургуулийн насны хүүхдүүдийн эрүүл мэндийн гол шалгуурын нэг нь тэдний бие бялдрын хөгжил юм.

Бие бялдрыг хөгжүүлэх ерөнхий зорилтууд

Эрүүл мэндийг бэхжүүлэх

Биеийн зөв галбир төлөвшүүлэх, янз бүрийн бүлэг булчингуудыг хөгжүүлэх, бие бялдрын чанаруудыг хөгжүүлэх, дунд насанд хурдны чанарыг хөгжүүлэх, ахлах насанд хурд хүчний бэлтгэл, мөн тэсвэрийн дасгалаар сурагчдыг хөгжүүлнэ.

Сургаж хөгжүүлэх зорилт

хөдөлгөөний чадвар дадлын тусламжтайгаар

биеийн статик байрлал зогсолтууд ба шилжилтүүдийг удирдах дадлуудыг төлөвшүлэх

янз бүрийн хэрэгсэлтэй гүйцэтгэх хөдөлгөөнийг гүйцэтгэх чадвар дадлыг төлөвшүүлэх

гар хөлийн хөдөлгөөнийг биеийн бусад хөдөлгөөнтэй удирдах дадал төлөвшүүлэх

хиймэл саадыг даван туулах хөдөлгөөнүүдийг гүйцэтгэх чадвар дадлыг төлөвшүүлэх

Хүмүүжлийн зорилт

биеийн тамирын дасгалаар бие дааж хичээллэх чадварыг хөгжүүлэх, эрүүл мэндийг бэхжүүлэх

Үүний тулд сурагчдын биеийн тамирын мэдлэгийг дээшлүүлэх , БТ-р хичээллэх хүсэл сонирхлыг нь төрүүлэх , ачааллаа зөв тохируулах, биеийн чанаруудыг хөгжүүлэх аргыг хэрэглэх зэрэг нь орно.

Гэрт гүйцэтгэх даалгавар

сургуулийн өмнөх насны хүүхдүүдийн бие бялдрын хүмүүжлийн арга зүйгээр хөтөлбөр зохиож ирэх

Цааш унших

Бие бялдрын хүмүүжлийн судалгаа шинжилгээний ажил

2012 оны 5-р сарын 07, Даваа гариг, 13:33 Багшийн нэр: Ч.Туяа

Судалгаа шинжилгээний ажил

Сурган хүмүүжүүлэх судалгаа шинжилгээний ажлыг олон жилийн турш явуулж ирсэн ажлын практикаас үзэхэд судалгаа шинжилгээний ажил нь агуулгаараа харилцан уялдаатай зохион байгуулалтын хувьд харьцангуй биеэ даасан хэдэн үе шатыг багтаадаг.

1. Судалгааны ажлын сэдвийг сонгох

Судалгааны ажлын сэдэв нь: Өнөөгийн судалгааны ажлын онол практикийн ач холбогдолтой тулгамдсан чухал асуудлын нэг байх ёстой. Сэдвийг сонгон авахдаа юуны өмнө сургууль багш нарын ажил практикаас урган гарсан сургууль багш нарын амьдрал практикт шууд нэвтрүүлж болох зайлшгүй чухал шаардлагатай тийм сэдвийг сонгон авч ажиллах нь хамгийн чухал. Жишээ нь: сургалтын агуулгыг боловсронгуй болгох.

Судалгааны ажлын сэдвийг сонгохдоо анхаарах зүйл нь:

Юуны өмнө цаг үеэ олсон нийгмийн захиалгад нийцсэн байх ёстойг анхаарвал зохино. Ахмад хүмүүсийн судалгааны ажилд оролцох гэх мэт үеүдэд судалгааны ажил хийх сонирхол төрж сэдэв сонгох боломж гарч ирдэг.

Сэдвийн удирдагчийг сонгох:

Тухайн сэдвээр судалгаа шинжилгээний ажлын нилээд туршлагатай болсон хүнд сэдэвт ажлыг удирдах ёстой. Жишээ нь: Бакалавр зэрэгтэй оюутны ажлыг магистр түүнээс дээш зэрэгтэй хүн удирдах гм

Ном зохиолд анализ хийх

Сэдвээ сонгосны дараа тухайн сэдэвт зайлшгүй шаардлагатай болон нэмэлт байдлаар ашиглах ном зохиолуудыг ашиглана. Эндээс зохиогчдын санал дүгнэлтэнд харьцуулан анализ хийнэ. Ном уншихдаа тусгай тэмдэглэл хөтлөх нь зүйтэй.

1. Зохиогчийн нэр

2. Ном буюу гарчигийн нэр

3. Хэвлэсэн газар \ УБ, Москва гм\

4. Хэвлэлийн газрын нэр \Адмон, Мөнхийн үсэг гм\

5. Хэвлэсэн он гэсэн дараалалаар тэмдэглэж, судалгааны ажлын төгсгөлд ном зохиолуудыг цагаан толгойн үсгийн дараалалаар оруулна. Үүнээс гадна зохиогчийн гол гол санаануудыг тэмдэглэж авах нь зүйтэй.

Судалгааны ажлын зорилго

Судалгааны ажлын зорилго гэдэг нь судалгааны эцсийн үр дүнг товч тодорхойлсон байдаг. Зорилгыг хэрэгжүүлэхийн тулд хэд хэдэн зорилт дэвшүүлнэ. Судлаач нь өөрийн судлах гэж байгаа зүйлийнхээ зорилтыг тодорхойлохдоо дэвшигдэж буй асуудлын онол практикт шийдвэрлэсэн байдлыг үнэлэх үндсэн дээр зорилтыг тодорхойлно.

Судалгааны таамаглал дэвшүүлэх

Судалгааны эцсийн үр дүнг урьдчилж хийхийг таамаглал гэнэ.

Судалгааны зориолтоо тодорхойлсны дараа судалгааны ажлын таамаглалыг эхний хувилбарыг хамгийн ерөнхий байдлаар тогтооно.

Эрдэмтэн Э.И. Моносзон “ таамаглал гэдэг бол шууд ашиглаагүй баримтын тухай буюу эвсэл бодит байдлын аль нэгэн үзэгдлийн шинж чанарыг тайлбарласан холбоо, зүй тогтлын тухай шинжлэх ухааны үүднээс үндэслэсэн урьдчилсан төсөл юм” таамаглал дэвшүүлэх асуудал нь шийдвэрлэж байгаа асуудлын судлах зүйл, зорилго ба судалгааны ажлын зорилтоос олон талаар хамаарах тул судалгааны ажлын таамаглалыг үнэн зөв томьёолоход онцлон анхаарах шаардлагатай.

Судалгааны объект

Судалгаа шинжилгээний ажил нь судалгааны объект судлах зүйлээ тодорхойлохоос эхлэдэг. Судалгаа шинжилгээний ажлын объект судлах зүйл хоёрыг тодорхой ялган томъёолох ёстой.

Реферат

Судалж буй ажлын үндсэн агуулгыг товч илэрхийлж 6-8 хуудсанд багтааж бичсэн зүйлийг реферат гэнэ.

Эрдэм шинжилгээний өгүүлэл

Энэ нь 10-20 хуудас багтаамжтай байж болох бөгөөд тодорхой нэг сэдвийн үр дүнгийн талаар зохиогчийн үзэл санааг илэрхийлсэн бичлэг юм. Ийм өгүүлэгүүдийг тусгай хэвлэлүүдэд хэвлэх ёстой. Энэ өгүүлэгүүдийг нэгтгэж ном болгож хэвлэснийг эрдэм шинжилгээний ажлын эмхтгэл гэнэ.

Сэтгүүлийн өгүүлэл

Шинжлэх ухааны хөгжил, дэвшил түүний тулгамдсан зорилтуудыг шийдвэрлэх талаар тодорхой сэдвийг хөндөж зохиогчийн бичсэн нийтлэл юм.

Диссертаци

Эрдмийн зэрэг хамгаалахаар горилж бичсэн зүйл юм. Тодорхой сэдвийг нилээд дэлгэрэнгүй судалж туурвисан томоохон бүтээл нь нэг сэдэвт зохиол буюу диссертаци юм. 100-150 хуудсаар бичигддэг.

Диссертаци хураангуй автореферат гэдэг. Автореферат нь 10-15 хуудас байна.

Сургуулийн өмнөх насны хүүхдийн бб-н хүмүүжил

Цааш унших

Бие бялдрын хүмүүжлийн аргууд

2012 оны 5-р сарын 07, Даваа гариг, 13:24 Багшийн нэр: Ч.Туяа

Лекц №.1

Үндсэн гурван бүлэг арга байна

1. Ярианы арга

2. Үзүүлэн таниулах арга

3. Практик буюу дасгалын арга

Ярианы арга

Үгийг ашиглан сургалт явуулдаг аргыг ярианы арга гэнэ.

Ярих нь ерөнхий сурган хүмүүжүүлэх ухааны арга.

Биеийн тамирын сургалтанд ярианы аргыг өвөрмөц байдлаар хэрэглэдэг.

Ярианы аргууд дараах хэлбэрүүдтэй

Тайлбарлан ярих арга: Дасгалын техникийн учир шалтгаан, заавал биелүүлэх шаардлагуудын учрыг ойлгуулахаар ярьж буй арга юм.

Тайлбарлан ярихдаа дасгалын нэр томъёог ашиглан товч бөгөөд тодорхой байна.

Түүнчлэн хичээллэгчдийн нас, сэтгэхүй хэл ярианы онцлогт тохирсон үгийг сонгон ярина.

Харилцан ярилцах арга

Нэг нь асууж нөгөө нь хариулдаг аргыг харилцан ярилцах арга гэнэ.

Харилцан ярихад сурагчид дутуу ойлгосон юм уу, эргэлзэж байгаа зүйлээ тодруулан мэдэж авдаг.

Мэдлэгийг итгэл болгодог арга гэж үздэг.

Дүгнэн ярих арга

Дасгалыг гүйцэтгэснийхээ дараа үр дүнг нь хэлэлцдэг аргыг дүгнэн ярих арга гэнэ .

Багш дүгнэн яривал нэг талын ярилт, багш сурагч хоёр хамтран дүгнэн яривал хоёр талын дүгнэн ярилт гэнэ.

Командлах арга

Биеийн тамирын хичээл дээр янз бүрийн командууд хэлж сургалт явуулна.

Анхааруулах, гүйцэтгэх гэсэн хоёр хэсэгтэй байна.

Анхааруулах хэсгийг урт удаан дуудаж хэлнэ.

Гүйцэтгэх хэсгийг тод огцом хэлнэ.

Анхааруулах хэсгийн дараа бага ангид түр зогсолт авна.

Суралцагчдын үйл ажиллагааг эмх цэгцтэй зохион байгуулахын тулд командлах аргыг хэрэглэдэг.

Зарим команд шууд захиран тушаах шинжтэй.

Тоолох арга

Дасгалуудыг нэгэн зэрэг гүйцэтгүүлэх болон дасгалын темпийг тогтооход тоолох аргыг хэрэглэнэ.

1 секунтэд нэг тоо тоолбол дунд зэргийн тоололт

1.5 секунтэд хоёроос олон тоо тоолбол хурдан тоололт болно.

Далайц ихтэй дасгалыг удаан тоолно.

Далайц багатай дасгалыг хурдан тоолно.

\ алдал, өргө, урагшаа, буулга\

Даалгавар заалт өгөх арга

Биеийн тамирын хичээлийн явцад янз бүрийн даалгаваруудыг хэлдэг. Жишээ нь: тугыг тойроод ир.

Даалгаврыг гүйцэтгэх үед янз бүрийн заалтуудыг хэлдэг. Жишээ нь: тохой шулуун, өвдөгөө чангал гэх мэт

Бичиглэл хийх арга

Дасгал хөдөлгөөнийг үгээр илэрхийлж бичих аргыг хэлнэ.

Иймээс дасгалын нэр томъёог ашиглана.

БЕХД-уудыг бичихдээ “ бэлтгэх байдал” бичнэ.

Дараа нь өөрчлөгдөх хөдөлгөөнийг нэрлэж бичнэ.

Ингэхдээ чиглэлийг нь заан үүний дараа дасгалын төгсгөлийг бичнэ.

Дасгалыг тоонд тохируулан гүйцэтгэх бол

ББ. Хөлдөө мөрний хэмжээтэй зай авч зогсоно.

1. гараа алдлана.

2. бөхийнө.

3. эгцэрнэ.

4. ББ.

Дасгалыг тоолохгүйгээр бичвэл

Х М Х-ний зайтай зогссон байдлаас гараа алдлан бөхийнө эгцэрнэ гараа буулгана.

Гэрийн даалгавар

32 тоот гимнастикийн дасгал зохиож ирнэ.

Г. Энхсайхан. Гимнастикийн заах арга

Ж. Баасандамба. Гимнастикийн нэр томъёо

Ж. Баасандамба. Гимнастик

Цааш унших

Биеийн тамирын хичээлийн төлөвлөлт

2012 оны 5-р сарын 07, Даваа гариг, 12:42 Багшийн нэр: Ч.Туяа

Лекц №7

Жилийн төлөвлөгөө

жилийн төлөвлөгөө нь сургалтын хөтөлбөрийн үндсэн агуулгыг хичээлийн жилийн туршид системтэйгээр зохион байгуулахад мөрдөх нилээд ерөнхий бичиг баримт юм. Төлөвлөгөө нь спортын үндсэн төрлүүдийн агуулга, хяналт тавих даалгаврууд, онолын мэдлэг олгох хичээлүүд тус тус тусгагдана.

Бичлэг болон график хэлбэрээр зохиож бичнэ

графикаар төлөвлөхдөө 2 хувилбараар төлөвлөнө.

1. сургалтын хөтөлбөрийн агуулгыг бүрдүүлж, байгаа дасгалуудыгспортын төрөл тус бүрд оногдох цагаар төлөвлөнө.

2. хичээлийн жилийн турш шийдвэрлэх сургалтын зорилгуудыг хувааж төлөвлөнө.

Улиралын төлөвлөгөө

улиралын төлөвлөгөөг жилийн төлөвлөгөөн дээр тулгуурлан хийнэ.

сургалтын тухайн улиралд хэрэгжүүлэх зорилтыг хэрэгжүүлэх баримт бичиг нь улиралын төлөвлөгөө юм. Улиралын төлөвлөгөө нь гол төлөв сэдэвчилсэн хэлбэрээр хийгдэнэ. Улиралын төлөвлөгөөг жилийн төлөвлөгөөнд тухайн улиралд заагдахаар тусгагдсан спортын төрлүүдийн дасгал бүрийг сэдэвчлэн төлөвлөнө.

Улиралын төлөвлөгөөнд хичээлийн эхний хэсэгт өгөгдөх жагсаал зохион байгуулалт, бие хөгжүүлэх дасгалууд, янз бүрийн алхалт гүйлтүүд, энэ хэсэгт үндсэн хэсгийн зорилгыг шийдвэрлэх, бүх дасгалууд, хөдөлгөөнт тоглоомууд, төгсгөл хэсэгт ачааллыг бууруулах тайвшруулах, бүжгийн дасгал тусгагдсан байх ёстой. Жил улиралын төлөвлөгөөг ЕБС-ын БТ-ын багш нар хамтарч анги бүрээр зохино.

Биеийн тамирын хичээлийн конспект

конспект бол сургалтын баримт бичгийн хамгийн дэлгэрэнгүй бөгөөд хичээлийн агуулга, арга зүй, зохион байгуулалт, ачааллын хэмжээг тогтоож өгдөг чухал баримт бичиг юм.

Багш дараах шаардлагыг хангаж конспектыг боловсруулна

конспект хичээлийн зорилготой холбоотойгоор түүнийг шийдвэрлэх арга хэрэглүүр, З.Б.лалт ачааллын хэмжээг нарийн тогтоож өгсөн байх

конспект гаргацтай, цэвэр үзэмжтэй, эмх цэгцтэй бичигдсэн байх

конспект жил улиралын төлөвлөгөөнд үндэслэгдсэн байх

конспектонд хичээлийн явцад хэрэглэгдэх зохион байгуулалтын арга хэмжээнүүдийг нарийн тусгаж өгөх

конспект хичээлийн бүтцийн дагуу эхний хэсэг, үндсэн хэсэг, төгсгөл хэсгүүдийн агуулгыг бичсэн байх

Сургалтын хөтөлбөр, киррикюлим

киррикюлим гэдэг нь: боловсролын стандартад нийцүүлэн тодорхойлсон зорилго, агуулга, арга зүй, үнэлгээ бүхий үйл ажиллагааны тогтолцоог илэрхийлсэн удирдамж бичиг юм. Бага дунд боловсролын стандартын зорилго нь киррикюлимыг төлөвлөх, хэрэгжүүлэх, хянах, үйл ажиллагааны чанарыг үнэлж түүнийг хэрэгжүүлэхэд оршино гэж бага дунд боловсролын стандартыг хэрэгжүүлэх зөвлөмжинд тэмдэглэсэн байдаг.

киррикюлим гэдэг нь: сурах үйл ажиллагааг удирдан хөтлөх органик бүтэц бүхий уян хатан ерөнхий төлөвлөгөө юм.

Боловсролын зорилго

“иргэний оюун ухаан, ёс суртахуун, бие бялдрын зохих чадавхтай, хүмүүнлэг ёсыг дээдлэн сахидаг, бие даан сурах, амьдрах, ажиллах чадвартай болгон төлөвшүүлэхэд оршино” гэжээ.

Боловсролын агуулга

боловсролтой иргэнийг чадамжаар тодорхойлогдох бөгөөд боловсролтой иргэний шинж чанар, төлөвшил цогц чадамжуудаар, цогц чадамж нь сургалтын явцад эзэмших ур чадваруудаар тодорхойлогддог байна.

Цогц чадамжийн суралцахуйн зорилгыг хэд хэдэн айд хуваана.

1. мэдэхийн тулд суралцах зорилго:

Суралцагч өөрийн эрүүл мэндээ бэхжүүлж, хамгаалах талаар шаардлагатай мэдлэгийг эзэмшиж, улмаар түүнийгээ бусдад түгээх ур ухаанаа хөгжүүлэхэд чиглэгдэнэ.

Оршин байхын тулд суралцах зорилго

өөрийнхөө бие бялдрыг бүх талаар хөгжүүлэхэд чиглэгдэнэ.

3. хийж бүтээхийн тулд суралцах зорилго: өдөр тутмын амьдралд зайлшгүй хэрэгцээтэй ба спортын практикт чухал шаардлагатай үндсэн хөдөлгөөнүүдийн чадвар, дадлыг төлөвшүүлэхэд оршино.

кирриклюим нь дараах бүтэцтэй

1. зорилго: БТ-н хичээл дээр дэвшүүлэн тавьсан асуудлыг хэрхэн шийдвэрлэхийг тодорхойлно. Иймд аль нэг ангид судлах БТ-н хичээлийн киррикюлим боловсруулахдаа зорилт дэвшүүлнэ.

бүлэг сэдэв, нэгж хичээлийн киррикюлим нь зорилтуудыг дэвшүүлж хэрэгжүүлнэ.

Зорилт

энэ нь тухайн сэдвийг эзэмшүүлэх явцад үнэлж дүгнэж болох мэдлэгийн туюу гүйцэтгэх даалгаврын жагсаалт юм. Тавьсан зоилгодоо хүрэхийн тулд хэд хэдэн зорилтыг дэвшүүлнэ.

агуулга ба ухагдахуун хүрээ

энэ нь зорилго, зорилтондоо хүрэхийн тулд ямар хэрэглүүрүүдийг сонгож авч болохыг бичнэ.

Сургалтын арга зүй буюу технологи

энэ нь хичээлийг хэрхэн сургах ба сурах бэ? Гэдгийг илэрхийлж гаргана. Сурагчийн хэрэгцээ сонирхол туршлагад тохируулж арга технологийг сонгож бичнэ. Бүхэлдээ судлах агуулгын шинж чанараас хамаарч бүтээлч идэвхтэй аргыг ашиглана. Зохион багйуулалтын оновчтой аргыг хэрэглэнэ.

Сургалтын орчин буюу хэрэглэгдэхүүн

Тухайн сургалтанд хэрэглэгдэх сургалтын хэрэглэгдэхүүнүүдийг тэдгээрт тавигдах шаардлагуудыг хамт бичнэ.

үнэлгээ

сурагчийн мэдлэг чадвар төлөвшлийг буюу сургалтын үр дүнг яаж ямар арга хэлбэрийг ашиглахыг бичнэ.

Мэдлэгийн

практик шалгуур байна.

Бүлэг сэдвийн хөтөлбөр

бүлэг сэдвийн хөтөлбөрийг боловсруулахдаа: Зорилго,зорилт, ашиглах материал, агуулга, хэрэглүүр, арга, жишиг даалгавар, үнэлгээ зэргийг багтааж бичнэ.

Бүлэг сэдвийн зорилго

суралцагч өөрийн бие бялдраа чийрэгжүүлэн, эрүүл мэндээ сахин хамгаалж, хөдөлгөөний чадвар,дадлыг төлөвшүүлж, биеийн чанаруудыг хөгжүүлэхэд чиглэгдсэн байхаар тодорхойлогдоно.

Нэгж хичээлийн киррикюлим

сэдэв,зорилго, зорилт,ашиглах материал, хичээлийн бүтэц, агуулга, ачаалал, аргачлал зэргийг багтаана.

Цааш унших

Бусад мэдээллүүд...

templates joomla 1.5

Хуудас 12-с 2

Шонхор-Олимп

Хичээлүүд

Үзүүлэн таниулах арга

Сургуулийн өмнөх насны хүүхдүүдийн бие бялдрын хүмүүжил

Бие бялдрын хүмүүжлийн судалгаа шинжилгээний ажил

Бие бялдрын хүмүүжлийн аргууд

Биеийн тамирын хичээлийн төлөвлөлт